Rossiyaning Ukrainaga keng ko‘lamli hujumi boshlanganidan beri 37 ming nafarga yaqin ukrain fuqarosi bedarak yo‘qoldi. Bu haqda Deutsche Welle xabar berdi.
Ukraina Oliy Radasining Inson huquqlari bo‘yicha komissari Dmitriy Lubinetsga ko‘ra, bu “ko‘rsatkichlar ancha yuqori bo‘lishi mumkin”. Gap ham harbiy xizmatchilar, ham turli yoshdagi fuqarolar haqida ketmoqda. Ombudsman Rossiya 2014-yildan beri “Ukraina hududidan tinch aholini o‘g‘irlab kelishi”ni ma’lum qildi.
Bedarak yo‘qolganlar sonini hisoblashda murakkablik shundaki, Rossiya hozirda Ukraina hududining deyarli 20 foizini egallab turibdi, — dedi u.
Lubinetsning ta’kidlashicha, Ukraina Rossiya hududida “noqonuniy hibsga olingan” 1700 ga yaqin tinch aholini tekshirishga muvaffaq bo‘lgan, ularning 147 nafari vataniga qaytarilgan.
Ukrainalik bolalarning Rossiyaga noqonuniy deportatsiyasi
2023-yilda Gaagadagi Xalqaro jinoiy sud Rossiya prezidenti Vladimir Putin va Rossiya prezidentining bolalar huquqlari bo‘yicha komissari Mariya Lvova-Belovani okkupatsiya qilingan Ukraina hududidan bolalarni o‘g‘irlashda ayblab, hibsga olishga order bergandi. Kreml bu ayblovlarni rad etadi.
2023-yil mart oyida Ukraina bolalarni Rossiyaga majburan deportatsiya qilishning 16 mingdan ortiq holatini e’lon qilgan.
Ukrainadan Rossiyaga olib kelingan ko‘plab bolalar noqonuniy ravishda homiylik ostidagi oilalarga beriladi yoki bolalar uylariga joylashtiriladi, — deyiladi xabarda.
Izoh (0)