G‘azo sektorida o‘t ochishni to‘xtatish talabi bilan London, Rim va Berlinda minglab namoyishchilar 13-aprel kuni qator yirik mitinglar o‘tkazdi, deya Euronews xabar berdi.
Londonda o‘n minglab odamlar yig‘ilib, parlament maydoniga chiqqan. Politsiya jamoat tartibini buzganlik uchun bir nechta shaxs hibsga olingani haqida xabar bergan.
https://x.com/HoyPalestina/status/1779164363170910431
Rimda Italiyaning Falastin jamiyati a’zolari nafaqat o‘t ochishni to‘xtatishni, balki Falastin uchun uzoq muddatli siyosiy yechim topishga ham chaqirgan. Namoyishda qatnashgan universitet talabalari ham Italiya TIV tomonidan ilgari surilgan Rim va Quddus o‘rtasidagi akademik hamkorlik bo‘yicha yangi taklifga norozilik bildirgan.
Biz bu yerda nafaqat zudlik bilan va doimiy o‘t ochishni to‘xtatishga chaqirish, balki bu safar asosiy masala hal bo‘lishini va shu tariqa hujum tugashini taʼminlash uchun keldik. Chunki G‘azoni bombardimon qilish to‘xtatilsa, bu Falastin masalasi hal bo‘lganini bildirmaydi, — deydi Rimdagi falastinlik talabalar harakati rahbari Maya Issa.
Berlinlik namoyishchilar 12-aprel kuni poytaxtda o‘tkazilishi kerak bo‘lgan “Falastin kongressi”ning bekor qilinishiga qarshi namoyishga chiqqan. Tadbirning g‘oyasi “Isroilning G‘azodagi harbiy operatsiyasi” ni muhokama qilish bo‘lgan. Germaniyada siyosiy faoliyati taqiqlangan falastinlik yozuvchining onlayn bayonoti taqiqlashning qonuniy asosi bo‘ldi.
https://x.com/QudsNen/status/1779215607583355296
Izoh (0)