Shou-biznesda do‘stlik bo‘lmaydi, deyishadi, ammo bugungi qahramonlarimiz buning aksini isbotlamoqda. Quyida syomka jarayonida qalin do‘st tutingan yulduzlar bilan tanishamiz.
Zendeya va Timoti Shalame
Hozirda eng talabgir aktyorlardan biri Timoti Shalame va Zendeya 2019-yilda “Dyuna” filmini suratga olish jarayonida ilk bor tanishishgan. Katta tajribaga ega bo‘lmagan ikki yosh aktyor Gollivud dunyosiga birgalikda qadam tashladi.
Kris Xemsvort va Tayka Vaytiti
Ba’zan aktyorlik qobiliyatini nafaqat kinoda, balki hayotda ham ishga solishga to‘g‘ri keladi. “Tor. Ragnaryok” filmida Kris Xemsvort va Tayka Vaytiti aslida bir necha yillik qadrdon ekanliklarini rejissyorlardan yashirgan. Tayka so‘zlariga ko‘ra, u do‘sti orqali yangi ishga joylashib olganini boshqalar bilishini istamagan.
Rayan Reynolds va Xyu Jekman
2009-yilda Rayan Reynolds va Xyu Jekman bilan “X-odamlar: Ibtido. Rosomaxa” filmini suratga olish maydonida tanishgan. Hamkasblar tez orada til topishib, yaqin do‘stlarga aylangan. Ular muntazam ravishda bir-birlariga hazil qilib, millionlab muxlislarni quvontirib yuradi.
Emiliya Klark va Jeyson Momoa
Ekranda sevishganlar rolini o‘ynagan mazkur juftlik hayotda do‘st sifatida bir-birini hurmat qiladi. “Taxtlar o‘yini” seriali yulduzlari asarning birinchi mavsumini suratga olish jarayonida tanishishgan.
Lilli Kollinz va Eshli Pak
“Parijdagi Emili” filmi qahramonlari Lilli Kollinz va Eshli Pak munosabatlari uzoq yillik qadrdonlardek go‘yo. Ularning do‘stligiga ko‘pchilikning havasi keladi:
“Suratga olish maydonida ko‘pchilik bizni yaqin dugona deb o‘ylashgan, aslida esa o‘sha payt tanishganimizga 45 daqiqa bo‘lgan edi. Biz qalbga yaqin do‘stlik rishtalari bilan bog‘langanmiz”, — deydi Eshli.
Milli Bobbi Braun va Noa Shnapp
Amerikaning “Juda g‘alati ishlar” ilmiy-fantastik seriali ikki yulduzga katta mashhurlik bilan birga kuchli do‘stlik rishtalarini ham keltirdi. Agar ular 40 yoshgacha baxtini uchratmasa, birga turmush qurishi haqida hazil qilishgan.
Izoh (0)