YouTube’da Shorts videolarini “o‘chirib qo‘yish” funksiyasi paydo bo‘ldi, deb yozadi The Verge. Nashrga ko‘ra, Shorts videolar YouTube’ning bosh sahifasida ham ko‘rsatilmaydi.



Shorts’ni tomosha qilish uchun nolga teng vaqt cheklovi qisqa videolarni iOS va Android ilovalaridan “amalda” olib tashlaydi.

Shorts taymeri funksiyasi dastlab oktabr oyida e’lon qilingan bo‘lib, undagi eng qisqa muddat 15 daqiqa etib belgilangan edi. Yanvar oyida ota-onalar nazorati doirasida kengaytirilgan tizim endilikda barcha foydalanuvchilar, jumladan, kattalar akkauntlari uchun ham ommaviy tarzda ishga tushirilmoqda.

Cheklovni o‘rnatish uchun YouTube sozlamalaridagi “Vaqtni boshqarish” bo‘limiga kirib, so‘ngra “Kunlik cheklovlar” va “Shorts uchun cheklovlar” yorliqlarini tanlash kerak.

youtube-shorts-feed-time-limit

Foydalanuvchi nol daqiqalik limitni o‘rnatgach, Shorts bo‘limida videolar umuman ko‘rsatilmaydi. Buning o‘rniga ekranda “Shorts tasmasi limitiga yetdingiz” mazmunidagi bildirishnoma paydo bo‘ladi. Sinovlarga ko‘ra, bu sozlama qisqa videolarni ilovaning asosiy ekranidan ham butunlay yashiradi.

Yoshidan qat’i nazar, bu lenta aylantirishga kamroq vaqt sarflashni istaganlar uchun qulay vosita bo‘lishi mumkin.