Toshkentda avtomashinalarni 3 oy muddat ichida avtosalondan yetkazib berishni aytib, fuqarolardan 6,1 mlrd so‘mni aldab olgan shaxslar qamaldi. Bu haqda O‘zA xabar berdi.
Maʼlum bo‘lishicha, oldindan jinoiy til biriktirgan 3 nafar shaxs tomonidan poytaxtning Alisher Navoiy ko‘chasida My Cars nomi bilan avtosalon ochilgan.
2022-yil 16-yanvardan 2023-yilning 2-avgustiga qadar bo‘lgan vaqt oralig‘ida ushbu jinoiy sheriklar avtomashinalarni 3 oy muddat ichida avtosalondan chiqarib, yetkazib berishni aytib, jami 74 nafar fuqaroning 40 mln so‘mdan, 200 mln so‘mgacha bo‘lgan juda ko‘p miqdordagi, jami — 6 mlrd 155 mln so‘mlik pul mablag‘larini firibgarlik yo‘li bilan qo‘lga kiritishgan.
Xaridorlarni qabul qilishda esa ular go‘yoki GM Uzbekistan bilan shartnoma tuzganliklarini aytib aldashgan.
Jinoyat ishlari bo‘yicha Shayxontohur tuman sudi JKning 168-moddasining (firibgarlik) tegishli bandlari bilan ayblanuvchilarga 8-9 yilgacha ozodlikdan mahrum etish jazosini tayinladi.
Izoh (0)