Super yarim o‘rta vazn toifasidagi o‘zbekistonlik bokschi, havaskor boksda jahon chempionati sovrindori, Osiyo o‘yinlari g‘olibi Iqboljon Xoldarovning navbatdagi jangi tafsilotlari ma‘lum bo‘ldi.
Iqboljon Xoldarov 14-aprel kuni Toshkentdagi “Humo Arena” majmuasida o‘tkaziladigan “IBA Chempionlar oqshomi”da ringga chiqadi. Hozircha Xoldarovga bo‘lajak jangda kim raqiblik qilishi tasdiqlanmagan.
Eslatib o‘tamiz, Iqboljon Xoldarov (5-0-0) professional boksdagi so‘nggi jangini 2023-yil aprel oyida meksikalik Eleazar Valensuyela Karrilyoga qarshi o‘tkazib, muddatidan oldin zafar quchgan edi.
Ma‘lumot uchun, turnirning markaziy jangi Hasanboy Do‘smatov hamda ispaniyalik Samuel Karmona o‘rtasida IBA chempionlik kamari uchun kechadi.
