2024-yil 1-yanvar holatiga ko‘ra, mamlakatda pensiya va nafaqa olayotgan 100 yoshga to‘lgan va undan oshganlar 514 nafarni tashkil etgan. Bu haqda Pensiya jamg‘armasi maʼlum qildi.
Respublikada pensiya va nafaqa olayotgan 100 va undan yuqori yoshdagilarning 110 nafari (21,4 foiz) erkaklar, 404 nafari (78,6 foiz) ayol hissasiga to‘g‘ri keladi.
O‘tgan 2023-yilda jami 147 nafar pensiya va nafaqa oluvchilar 100 yoshga to‘lgan. Ularning 32 nafari (21,7 foiz) erkaklar, 115 nafari (78,3 foiz) ayollar bo‘lgan.
Yoshi 100 va undan oshgan pensioner va nafaqa oluvchilar Qashqadaryo viloyatida eng ko‘p – 92 nafar, Sirdaryo viloyatida eng kam – 11 nafar.
Qolgan hududlar:
- Surxondaryo viloyatida – 71 nafar;
- Andijon viloyatida – 48 nafar;
- Farg‘ona viloyatida – 45 nafar;
- Toshkent viloyatida – 41 nafar;
- Samarqand viloyatida – 36 nafar;
- Buxoro viloyatida – 35 nafar
- Namangan viloyatida – 33 nafar;
- Xorazm viloyatida – 28 nafar;
- Toshkent shahrida – 26 nafar;
- Jizzax viloyatida – 16 nafar;
- Navoiy viloyatida – 13 nafar;
- Qoraqalpog‘istonda – 21 nafar 100 yoshli va undan yuqori yoshdagi pensiya va nafaqa oluvchilar istiqomat qiladi.
Ma’lumot uchun, hozir O‘zbekistonda pensiya oluvchilar soni 4 million nafarga yetgan. Nafaqa va moddiy yordam oluvchilar 2 million 471 ming 900 nafarni tashkil etadi.
Izoh (0)