Futbol bo‘yicha O‘zbekiston Superligasining 1-turidan o‘rin olgan “Bunyodkor” — “Qizilqum” uchrashuvi bo‘lib o‘tdi.
Uchrashuvning 26-daqiqasida mehmonlar vakili Giorgi Kuxianidze hisobni ochdi. 6 daqiqa o‘tib Shahboz Jo‘rabekov to‘p kiritib, hisobni ishonchli ko‘rinishga olib keldi. Uchrashuvning birinchi bo‘limi so‘ngida “Qizilqum” futbolchisi Samandar Shukurullayev hisobni yanada yiriklashtirdi.
Uchrashuvning ikkinchi bo‘limi mezbonlar faolligi ostida boshlandi. Ammo bu faollik hisobda aks etishi anchagina kechikdi. 78-daqiqaga kelib Temurxo‘ja Abduxoliqov hisobni qisqartirishga erishdi. Qolgan vaqt davomida “Qizilqum” himoyachilari faol harakat qildi.
Ushbu hisob uchrashuv so‘ngigacha saqlanib qoldi. Shunday qilib navoiyliklar mehmondan uch ochko bilan qaytdi.
Superliga
1-tur
“Bunyodkor” — “Qizilqum” 1:3
Izoh (0)