Yaponiya Rossiyaga qarshi sanksiyalar ro‘yxatini kengaytirib, unga 12 nafar shaxs va 36 tashkilotni qo‘shdi. Tokio, shuningdek, Rossiya olmoslarining uchinchi mamlakatlardan importini taqiqladi. Bu haqda Deutsche Welle xabar berdi.
Sanksiyalar eksport cheklovlari va aktivlarni muzlatishni o‘z ichiga olgan. Ular 31-martdan kuchga kiradi.
Yaponiya bosh vaziri Fumio Kisida 25-fevral kuni G7 onlayn sammiti chog‘ida Rossiyaga qarshi qo‘shimcha sanksiyalar joriy etish niyatini ma’lum qilgan edi. Unga ko‘ra, jang maydonlarida vaziyat og‘irligi sababli Ukrainaga birdamlik ko‘rsatish muhim. Vazir Ukrainani qo‘llab-quvvatlash Yaponiyaning ustuvor vazifalaridan ekanini qo‘shimcha qilgan.
Rossiya-Ukraina urushi tufayli Yaponiya sanksiyalari Rossiyadan mingdan ortiq shaxs hamda 120 dan ortiq tashkilotga ta’sir ko‘rsatmoqda. Bundan tashqari, Yaponiya Rossiyaga eksport qilish taqiqlangan 800 ga yaqin tovarlar va texnologiyalar ro‘yxatini tasdiqladi.
Izoh (0)