Afg‘onistonning Faryob viloyatida kuchli qor yog‘ishi va sovuq oqibatida mingdan ortiq qo‘y va qoramol nobud bo‘ldi. Bu haqda Avapress xabar berdi.
Yo‘qotishlar asosan viloyatning Qaysar, Qarmqul, Pashtun Kot va Xoja Sabzposh tumanlarida sodir bo‘lgan. Faryob rasmiylari holat yuzasidan yig‘ilish o‘tkazgan. Unda qor yog‘ishidan jabr ko‘rganlarga yordam berish muhokama qilingan. Ayni paytda Afg‘onistonning Bodg‘is viloyatida ham kuchli qor yog‘ishi va sovuq tufayli yuzlab qoramol nobud bo‘lgani aytilmoqda.
Avvalroq Qozog‘istonning Oqmo‘la viloyatida 200 ga yaqin ot ochlikdan nobud bo‘lgandi. Hayvonlar yozdan buyon holdan toyishni boshlagan. Issiqlik tufayli yaylovlardagi maysalar yonib ketgan. Anomal qish esa oziq-ovqat tanqisligi muammosini og‘irlashtirgan. Hayvonlarning qor ostidan o‘t olishga holi bo‘lmagan va ular dashtda nobud bo‘lgan. Fermerlar favqulodda holat e’lon qilishni so‘ramoqda
Izoh (0)