Zamonaviy dunyo imkoniyatlaridan foydalanilsa, har qanday jarayonni qulayroq va jadalroq qilish mumkin. Masalan, bankka borishga vaqt bo‘lmasa, pul jo‘natmalarini ilovada olsa bo‘ladi. Uyda o‘tirgan holda so‘m yoki valyuta kartasiga pul hisoblash juda qulay.
Ismim – Shahzoda, ushbu maqola uchun mendan pul jo‘natmalarini olish tajribam haqida so‘zlab berishim so‘raldi. Otam Rossiyada ishlaydilar va muntazam ravishda menga “Zolotaya Korona” orqali pul jo‘natadilar. Oldin jo‘natmalarni onam olardilar, yaqindan boshlab buni menga ishonib topshirdilar, chunki o‘zlari ishlaydilar va bankka faqat tushlik tanaffusidagina bora oladilar.
Jo‘natmalar olishda tajribasi borlar bu xususiyatlardan xabardor bo‘lishlari mumkin, lekin tajribam yangi foydalanuvchilar uchun foydali bo‘ladi.
Bank bo‘limiga oldindan qo‘ng‘iroq qiling
Ilk jo‘natmani olish uchun universitetga eng yaqin mini-bankni tanladim. Oldin bank saytidan u “Zolotaya Korona” bilan ishlashini tekshirib oldim. Bu tizim O‘zbekistonda keng yoyilgan va pulni har qadamda olish mumkin. Agar bir bankda navbat ko‘p bo‘lsa, men boshqasiga boraman.
Ammo, Janubiy Koreyadan boshqa tizim orqali pul olishimga to‘g‘ri keldi. Men, odatdagidek, bank saytida tekshirib ko‘rdim-u lekin aynan men borgan bo‘lim kerakli tizim bilan ishlamaydigan bo‘lib chiqdi. Xodim boshqa filialga borishni maslahat qildi. Shu sababli, agar shoshayotgan bo‘lsangiz (deylik, pul olish uchun tushlik tanaffusida o‘tib kelmoqchi bo‘lsangiz), yaxshisi, aniq bir mini-bankka qo‘ng‘iroq qilib, oldindan bilib oling.
Jo‘natmalarni onlayn olish mumkinligini bilib olish
Oldin men pulni onlayn olish mumkinligini bilmasdim va bankka borardim. Hozir esa, boshqa navbatda turmayman, balki “Korona (6+)” ilovasi orqali birato‘lasi plastik kartaga o‘tkazib olaman (Google Play dan yuklab olganman, lekin App Store da ham bor).
Mablag‘ni ham Uzcard, ham Humo kartasiga yuklash mumkin. Jarayon odatda bir necha daqiqa vaqt oladi. Agar sizga so‘m emas, dollar (yoki boshqa chet el valyutasi) kerak bo‘lsa, valyuta kartalariga o‘tkazing – Visa, Mastercard, UnionPay. Agar naqd kerak bo‘lsa, “Korona (6+)” ilovasida shahardagi “Zolotaya Korona” bo‘yicha jo‘natmalarni taqdim etuvchi barcha shoxobchalarning manzillari berilgan xarita mavjud. Jo‘natma olinayotganda ushbu qulay servisdan foydalanganlik uchun qo‘shimcha komissiya to‘lanmaydi.
Afsuski, bunday imkoniyat hamma pul jo‘natmalari tizimida ham mavjud emas. Onlayn tarzda pul olish imkoniyati haqida jo‘natmani olmoqchi bo‘lgan bankingizga qo‘ng‘iroq qilib yoki yozma murojaat qilib bilib olish mumkin.
Jo‘natmani darhol ololmasangiz, qo‘rqinchli emas
Ba'zida bir necha kunga ta'tilga ketishingiz yoki boshqa shahardagi qarindoshlarnikiga mehmonga borishingiz va jo‘natmani ololmasligingiz mumkin. Menda ham shunday holat bo‘lgandi. O‘shanda “Zolotaya Korona” qo‘llab-quvvatlash xizmatida jo‘natmani darhol olish shart emasligini, chunki barcha ma'lumotlar tizimda saqlanishini va o‘zimga qulay vaqtda kelib jo‘natmani olishim mumkinligini bilib olgandim. Shu sababli, safardan qaytgach jo‘natmani xotirjam borib olganman.
Shuningdek, e'tibor bering: ko‘pincha jo‘natmalarni rasmiylashtirishda mablag‘ olinadigan joy sifatida shahar (demak, jo‘natmani ushbu shahardagi tegishli banklarning istalganida olish mumkin), boshqalarda esa – mamlakat (jo‘natmani butun mamlakat bo‘ylab olish mumkin) ko‘rsatiladi. “Zolotaya Korona”da barcha jo‘natmalar manzilsizdir, ularni mamlakat ichida jo‘natma berish shoxobchalari bo‘lgan istalgan shaharda olish mumkin.
Jo‘natuvchidan telefon raqamingizni ko‘rsatishni so‘rash
Pul jo‘natilishi bilan telefonimga jo‘natma kelib tushgani haqida xabar kelishi juda qulay. Otam hatto ortiqcha yozib ham o‘tirmaydilar. Men o‘sha zahoti mablag‘ni “Korona (6+)” ilovasida kartaga tashlayman. Muhimi: jo‘natuvchi jo‘natmani rasmiylashtirishda ko‘rsatadigan raqam bilan siz ilovada ro‘yxatdan o‘tganda ko‘rsatgan raqamingiz mos kelishi kerak. Faqat shundagina tizim ma'lumotlarni to‘g‘ri muvofiqlashtiradi va jo‘natmani “Korona (6+)” ilovasida aks ettiradi. Va, albatta, men asosiy qoidaga amal qilaman: qalloblar ma’lumotlardan foydalanmasliklari uchun jo‘natma raqamini hech kimga aytmayman va u haqda axborotni ijtimoiy tarmoqqa qo‘ymayman.
Ma’lumot uchun
“Platejniy Sentr” RNKO pul jo‘natmalari operatori, manzil: Rossiya, Novosibirsk sh., Kirov ko‘ch., 86, OGRN: 1025400002968, Rossiya banki litsenziyasi №3166-K, sanasi: 14.04.2014 y.
Xizmat haqida batafsil: rnko.ru. “Korona (6+)” ilovasi. App Store – “Apple Inc” tovar belgisi, Google Play – “Google LLC” tovar belgisi. Mablag‘ni Uzcard, Humo, Union Pay, Visa, Mastercard (xususan Maestro)ga o‘tkazish mumkin – agar bu kartalar muayyan o‘zbek banklari tomonidan chiqarilgan bo‘lsa.
Reklama huquqi asosida
Izoh (0)