Surxondaryodagi ayrim AYQSHlarda sifatsiz benzin sotilayotgani aniqlandi, deya xabar bermoqda viloyat hokimligi matbuot xizmati.
Hududlarda o‘tkazilgan o‘rganishlar davomida ayrim zapravkalarda Ai-80 markali benzini Ai-95 markasida ko‘rsatilib, qimmat narxlarda sotilayotgani aniqlangan.
Qayd etilishicha, hozirda viloyat hokimining tegishli ko‘rsatmasi bilan mazkur holatlarga chek qo‘yish va ularning oldini olish bo‘yicha tegishli chora-tadbirlar amalga oshirilmoqda.
Viloyat hokimligi benzin xarid qilishda iste’molchilarni e’tiborli bo‘lishga chaqirib, yuqoridagi kabi holatlarga uchraganda huquqni muhofaza qiluvchi yoki soliq organlariga murojaat qilishni so‘radi.
Izoh (0)