O‘zbekiston prezidentining qarori bilan Dilshod Ahmedov investitsiyalar, sanoat va savdo vazirining o‘rinbosari lavozimiga tayinlandi. Bu haqda Investitsiyalar, sanoat va savdo vazirligi matbuot xizmati xabar berdi.
Tayinlovga qadar u 2021-yil yanvar oyidan buyon “O‘zmetkombinat” AJ boshqaruvi raisining birinchi o‘rinbosari — ijrochi direktor lavozimida ishlab kelgan.
Dilshod Ahmedov (1972-yilda tug‘ilgan) — I.M.Gubkin nomidagi Rossiya davlat neft va gaz universiteti bitiruvchisi. Moskvadagi “Skolkovo” boshqaruv maktabida o‘qigan. O‘zbekiston va Rossiyada ishlab chiqarishni tashkil etish hamda sanoat korxonalari aktivlarini boshqarish tajribasiga ega.
Avvalroq investitsiyalar, sanoat va savdo vaziri o‘rinbosari lavozimida ishlagan Olimxon Rustamov Qashqadaryo viloyati hokimining o‘rinbosari — viloyat investitsiyalar, sanoat va savdo boshqarmasi boshlig‘i lavozimiga tayinlangandi.
Izoh (0)