G‘azo sektorida halok bo‘lgan Birlashgan Millatlar Tashkiloti Falastinlik qochqinlarga yordam ko‘rsatish agentligi (UNRWA) xodimlarining soni 132 nafarga yetdi.
Bu haqda tashkilot hisobotida aytilgan.
“7-oktyabrdan beri Birlashgan Millatlar Tashkiloti Falastinlik qochqinlarga yordam ko‘rsatish agentligining jami 132 nafar xodimi halok bo‘ldi”, — deyiladi agentlik hisobotida.
Hisobotda, shuningdek, 1 milliondan ortiq o‘z yashash joyidan ko‘chirilgan aholi vakillari UNRWA’ning markazdagi 98 ta obyekti hamda Xon Yunis va Rafah tumanlaridan boshpana topgani aytiladi.
29-noyabr kuni BMT bosh kotibi Antoniu Guterrish G‘azo sektorida Falastin—Isroil mojarosi avj olganidan beri tashkilotning 111 nafar xodimi halok bo‘lganini ma’lum qilgandi.
Izoh (0)