O‘zbekiston U-20 qizlar terma jamoasi Janubiy Koreyaga yirik hisobda mag‘lub bo‘ldi

Futbol bo‘yicha O‘zbekiston U-20 qizlar terma jamoasi 30-noyabr, payshanba kuni Janubiy Koreyaga qarshi o‘rtoqlik o‘yinida ishtirok etdi.

Uchrashuvning 18-daqiqasida hisob ochildi. Janubiy Koreya futbolchisi Jeon Yugyeong o‘z nomiga gol yozdirib qo‘ydi. Birinchi bo‘lim 1:0 hisobi bilan yakunlandi.

Ikkinchi bo‘lim boshida ham koreyaliklar darvozani ishg‘ol qildi. Bu safar Park Su Jeong o‘z nomini tabloga yozdirdi. 63-daqiqada Yang Eunsyo ham gol muallifiga aylandi. Orada 4 daqiqa o‘tib, yana Yang Eunsyo darvozani ishg‘ol etib, dubl muallifiga aylandi. O‘yin so‘ngida Kang Eungyung hisobni yirik ko‘rinishga olib keldi.

Shu tariqa Janubiy Koreya 5:0 hisobida g‘alabani rasmiylashtirdi.

Xalqaro o‘rtoqlik o‘yini

30-noyabr, payshanba

O‘zbekiston U-20 – Janubiy Koreya U-20 0:5

Gollar: 0:1 — 18 Jeon Yugyeong, 0:2 — 47 Park Su Jeong, 0:3 — 63 Yang Eunsyo, 0:4 — Yang Eunsyo, 0:5 — 88 Kang Eungyung.