Polkovnik Sharof Uralov IIV Jamoat xavfsizligi departamenti Probatsiya xizmati boshlig‘i lavozimiga tayinlandi. Bu haqda departament matbuot xizmati xabar berdi.
Tayinlovga qadar Sharof Uralov IIV Jamoat xavfsizligi departamenti Huquqbuzarliklar profilaktikasi xizmati boshlig‘i o‘rinbosari — Voyaga yetmaganlar va yoshlar bilan ishlashni tashkil etish boshqarmasi boshlig‘i lavozimida ishlab kelgan.
Probatsiya xizmatining avvalgi boshlig‘i Bunyod Rajabov 11-noyabr kuni Urganch shahri hokimi lavozimiga tayinlangandi.