“Garri Potter” franshizasi muxlislari uchun ajoyib yangilik: Airbnb platformasida Xagridning kulbasi ijaraga berila boshlandi. Kulba sharqiy Angliyada, Yorkshir grafligidagi Liverton qishlog‘i yaqinida joylashgan.
O‘rmon uyi tashqi tomoni tosh bilan qoplangan uchta alohida binodan iborat bo‘lib, unga gotika uslubidagi derazalar o‘rnatilgan. Uy eshiklarining atrofi fonuslar bilan yoritiladi, dalaning qoq o‘rtasida joylashgan kottejdan shu yerdagi sohil ko‘rinib turadi.
Kulbaning ijara narxi mijoz band qilgan sanadan kelib chiqib belgilanadi. Bir sutka uchun o‘rtacha ijara narxi – 280 dollarni tashkil etadi.
Uy ichida mehmonxona, yotoqxona, vannaxona va oshxona joylashgan. Sarguzasht ishqibozlari bu yerda o‘zlarini “Garri Potter” filmi ichiga tushib qolgandek his qilishadi.
