Milliarder va taniqli tadbirkor Kayli Jenner bundan bir hafta ilgari “Khy” deb nomlangan shaxsiy brendiga asos solgani haqida maʼlum qilgandi. Tadbirkorning yangi brendi unga yaxshigina daromad keltirib ulgurdi.
Maʼlumotlarga ko‘ra, brend 1 soat ichida 1 million dollarlik mahsulot sotgan. Ayni vaqtda “Khy”ning ilk to‘plamiga tegishli charm trench, qo‘lqoplar va ko‘ylaklar sotuvda mavjud. Brendning rasmiy vakillari ikkinchi to‘plam birinchisidan tubdan farq qilishini aytib o‘tishgan.
“Khy” brendi bozorga dadil qadamlar bilan kirib kelgan bo‘lsa ham, Kim Kardashyan tomonidan asos solingan “Skims” brendining muvaffaqiyatini takrorlashiga hozircha vaqt bor. Kim Kardashyanning brend ortidan ko‘rgan daromadi shu yilning yoz faslida 4 milliard dollardan oshgan.
