Pensiya jamg‘armasi O‘zbekistonda qaysi toifadagi xodimlarga har ishlagan yili uchun 2 yillik ish staji hisoblanishi haqida maʼlumot berdi.
Qayd etilishicha, moxovxonalarda, vaboga qarshi muassasalarda, immunitet tanqisligi virusi bilan kasallangan shaxslar davolanadigan yuqumli kasalliklar muassasalarida ishlaganlik uchun — ikki hissa barobarida ish stajiga qo‘shib hisoblanadi.
“Yaʼni 1 yil ushbu turdagi ishlarda faoliyat olib borgan fuqaroning mehnat staji 2 yil deb hisoblanadi”, — deya maʼlum qilgan jamg‘arma.
Avvalroq kimlar o‘n yil oldin pensiyaga chiqishi mumkinligi xabar qilingandi. Jumladan, oxirgi ish joyidan qatʼi nazar yerosti ishlarida, mehnat sharoiti o‘ta zararli va o‘ta og‘ir ishlarda to‘liq ish kuni davomida band bo‘lgan xodimlarga umumiy belgilangan yoshni 10 yilga qisqartirilgan holda pensiya olish huquqi beriladi. Shuningdek, sirklar va konsert tashkilotlari artistlarining ayrim toifalari ijodiy ishdagi staji kamida 20 yil bo‘lgan taqdirda 10 yilga qisqartirilgan holda pensiya olish huquqiga ega bo‘ladi.
Izoh (1)
Juda yaxshi oylab qilingan ish bu
Lekin shuyerga Norkologiyaniyam qoshish kerak menimcha
Chunki biz kerak bolsa jonimizni xatarga qoyib ishga boramiz
Bizdan ketayotgan energiya ham uncha muncha emas
Bizning bemorlarimizda xam sudlanganlar
Xam ruxan soglom bolmaganlar
Va yana ota xafli yuqumli kasallika chalinganlar bor
Buni inobatga olishsa va yuqori mutasadda xodimlar togri dib bilishsa biz tibbiyot xodimlarixam xursan bolgan bolar edik