Qirg‘izistonning Norin viloyat sudi “Vagner” tarkibida Ukrainada jang qilgan mahalliy aholini ikki oyga hibsga oldi. Bu haqda “Ozodlik” radiosining qirg‘iz xizmati xabar berdi.
Hibsga olingan shaxsning rafiqasi eri 2020-yilda Rossiyaga ishlash uchun ketgani, biroq oradan bir yil o‘tib giyohvand moddalar savdosida gumonlanib hibsga olinganini aytdi.
Qirg‘izistonlik o‘n yillik qamoq jazosiga hukm qilingan. 2022-yil oxirida u “Vagner” bilan shartnoma imzolagan va urushga ketgan.
2023-yil iyul oyi oxirida uning “Vagner” bilan shartnomasi tugagan va erkak o‘z vataniga qaytgan. Qirg‘iziston milliy xavfsizlik xizmati xodimlari uni hibsga olgan.
Izoh (0)