Futbol bo‘yicha KONKAKAF Oltin Kubogi finalida Meksika va Panama terma jamoalari O‘zbekiston vaqti bilan 17-iyul tongida o‘zaro to‘qnash keldi.
Uchrashuvda hisob 88-daqiqaga kelib ochildi. Santyago Ximenes o‘yin yakunlanishi arafasida Panama darvozasini ishg‘ol qilib, Meksikaga chempionlik keltirgan gol muallifiga aylandi.
Shu tariqa Meksika terma jamoasi o‘z tarixida 12-marta Shimoliy Amerika chempioniga aylandi.
Meksikaliklar chorak finalda Kosta-Rika (2:0), yarim finalda esa Yamaykani (3:0) yengib, finalga qadar yetib kelgandi.
Meksika terma jamoasi KONKAKAF Oltin Kubogidagi g‘alabalar bo‘yicha rekordini yangiladi. AQSH hisobida 7 ta oltin medal bor. Kosta-Rika (3 marta), Kanada (2), Gaiti (1), Gvatemala (1) va Gonduras (1) terma jamoalari ham musobaqada g‘olib chiqishga muvaffaq bo‘lgan.
KONKAKAF Oltin Kubogi
Final
17-iyul, dushanba
Meksika – Panama 1:0
Gol: 1:0 – 88 Ximenes.
Meksika: Ochoa, Sanches, Montes, Vaskes, Galyardo, Chaves (Sanches, 75), Alvares, Romo, Pineda (Reyes, 90), Antuna (Alvarado, 75), Martin (Ximenes, 85).
Panama: Moskera, Kammingz (Londono, 90), Eskobar, Andrade, Devis (Anderson, 62), Godoy, Karraskilya, Kintero (Uotermen, 61), Barsenas, Dias, Faxardo.
Ogohlantirishlar: Vaskes (11), Kammingz (21), Montes (45), Galyardo (54), Karraskilya (55), Alvares (60), Godoy (64), Moskera (90).
Izoh (0)