Qashqadaryo viloyatining Qarshi tumanida somon presslari ortilgan yuk mashinasi yonib ketdi.
Viloyat FVB matbuot xizmati xabariga ko‘ra, 12-iyul kuni soat 17:24 larda “Taxtapul” MFY hududidan o‘tgan ichki yo‘lda harakatlanib ketayotgan “KamAZ” yonayotgani to‘g‘risida xabar kelib tushgan.
Xabarga ko‘ra voqea joyiga ikkita yong‘in-qutqaruv bo‘linmasi soat taxminan 17:35 da yetib borgan va soat 17:54 larda yong‘in to‘liq o‘chirilgan.
Hodisa oqibatida yuk mashinasi qisman zararlangan, yukxonasiga ortilgan somon presslari yongan. Tan jarohati olganlar yo‘q.
Izoh (0)