London markazida o‘n sakkizinchi asrda barpo etilgan qasr 15 million dollarga sotildi, deb xabar beradi “Pravila Mag”.
Bu uyda Ben Kingsli va Maykl Keyn ishtirokida “Hech qanday dalilsiz” (1988), shuningdek, aktrisa Emili Blant ishtirok etgan “Meri Poppins qaytmoqda” filmlari suratga olindi (2018).
Uy Vestminsterda, Big Ben yaqinida joylashgan. Saroyning maydoni 700 kvadrat metrni tashkil etadi. Unda sakkizta yotoqxona, beshta hammom va besh yashash xonasi mavjud. Saroy Sotheby’s auksionida sotilgan, xaridorning ismi oshkor etilmagan.
Kira Naytli, Xelen Mirren va Morgan Friman ishtirok etgan Disney kinokompaniyasining filmi “Shelkunchik va to‘rt qirollik” (2018) xuddi shu uyda suratga olingan. “Inglizcha janjal” (2018) mini-serialining suratga olish jarayonida saroy xonalaridan biri Xyu Grant uchun kiyinish xonasi sifatida ishlatilgan.
