Somalining Korioley shahri yaqinidagi o‘yin maydonida urushdan qolgan o‘q-dorilar portlab ketdi. Kamida 25 nafar bola halok bo‘ldi, yana bir necha kishi yaralandi. Bu haqda kecha Sinxua xabar berdi.
Bolalar o‘ynaydigan ochiq maydonda eski bombalarning portlashi fojiaga sabab bo‘ldi, deyiladi xabarda.
22 nafar bolaning jasadi mahalliy shifoxonaga yetkazilgan, yana ikki bola kasalxonada vafot etgan. Bir bola Mogadishodagi poytaxt kasalxonasiga davolanish uchun yuborilgan, biroq u yo‘lda vafot etgan.
Qurbonlarning barchasi 10–15 yosh orasidagi o‘g‘il bolalar edi.
Avvalroq Somali poytaxti Mogadishoda 100 dan ortiq kishi terakt qurboni bo‘lgan edi. Odamlar gavjum chorrahada joylashgan Ta’lim vazirligi binosi yaqinida kuchli portlashlar yuz bergan.
Noyabr oyida Somali poytaxtida terrorchilar mehmonxonani egallab olish chog‘ida o‘nlab odamlarni o‘ldirgan. Binoni ozod qilish operatsiyasi chog‘ida dronlardan zarbalar berilgan va maxsus kuchlar jalb qilingan.
Izoh (0)