Korrupsiyaga qarshi kurashish agentligi amaldorlarning daromadlari deklaratsiya qilinishini nazarda tutuvchi qonun loyihasini ishlab chiqqandi. 2019-yilda o‘sha vaqtdagi Bandlik va mehnat munosabatlari tayyorlagan qonun loyihasidan farqli o‘laroq (vazirlik loyihasi bo‘yicha, ushbu tartib 2020-yil 1-yanvardan joriy etilishi kerak edi), agentlik taklif qilayotgan loyihada quyidan tortib yuqorigacha bo‘lgan barcha mansabdorlar — hatto prezident va bosh vazir ham deklaratsiya to‘ldirishi taklif qilingan.
Hujjat loyihasi taqdim etilganiga bir necha yil bo‘lgan bo‘lsa-da, haligacha amaliyotga joriy etilgani yo‘q.
Korrupsiyaga qarshi kurashish agentligi davlat xizmatchilarining daromadlari va mol-mulkini deklaratsiyalash tizim bo‘yicha jarayonlar qaysi bosqichda ekanligi haqida “Daryo”ga maʼlumot taqdim etdi.
Unda aytilishicha, 2021-yilning avgust—sentabr oylarida qonun loyihasi Bosh prokuratura, DXX, IIV, DSQ, Oliy sud, Davlat xizmatini rivojlantirish agentligi, Iqtisodiy taraqqiyot va kambag‘allikni qisqartirish vazirligi, Moliya vazirligi va Markaziy banki bilan dastlabki va idoraviy kelishuvlardan o‘tkazilib, ularning takliflari asosida takomillashtirilgan.
Shundan so‘ng, qonun loyihasi Normativ-huquqiy hujjatlar loyihasini ishlab chiqish va kelishishning yagona elektron tizimi (project.gov.uz) orqali Adliya vazirligiga kiritilgan va 2021-yil noyabrda Adliya vazirligi tomonidan qonun loyihasi qabul qilinishi maqsadga muvofiqligi to‘g‘risida huquqiy ekspertiza natijalari bo‘yicha xulosa olingan.
Qonun loyihasi 2022-yil oktyabr oyida qonun loyihasining yakuniy matni bo‘yicha maʼlumotnoma tayyorlanib, Prezident administratsiyasiga kiritilgan.
Mavzuga doir:
- “Buning nimasidan qo‘rqish kerak?”. O‘zbekiston hukumati a’zolari daromadlarni deklaratsiya qilish to‘g‘risidagi qonun loyihasiga ijobiy munosabatda
- “Tezroq amaliyotga joriy qilish kerak”. DSQ, Markaziy bank, Moliya va Iqtisodiyot vazirliklari mas’ullari — daromadlar deklaratsiyasiga doir qonun loyihasi haqida
Izoh (0)