“Bolalar” guruhi yakkaxoni, O‘zbekistonda xizmat ko‘rsatgan artist Tohir Sodiqovning konsertidan so‘ng voyaga yetmagan qizga tegajog‘lik bo‘lgani ortidan janjal kelib chiqqani haqida xabarlar tarqaldi. Shahar IIBB mazkur holat yuzasidan ma’lumot berdi. 

Unga ko‘ra, 1-iyun kuni taxminan soat 22:45 larda Chilonzor tumanida bo‘lib o‘tgan konsertlarning birida, 2003 va 2004-yilda tug‘ilgan bir nechta fuqarolar dastur yakunlangandan so‘ng og‘zaki tortishib qolgani natijasida tomonlar o‘zaro janjallashib ketgani aniqlangan. 

Mazkur holat yuzasidan ushbu fuqarolarga nisbatan Ma’muriy javobgarlik to‘g‘risidagi kodeksning 183-moddasi (mayda bezorilik) va 194-moddasi (ichki ishlar organlari xodimining qonuniy talablarini bajarmaslik) alomatlari bilan ma’muriy bayonnomalar rasmiylashtirilib, qonuniy chora ko‘rish uchun Jinoyat ishlari bo‘yicha Chilonzor tuman sudiga yuborilgan.