Argentinalik futbolchi Lionel Messi “PSJ” safida Fransiya chempioniga aylandi.
Bu 35 yoshli futbolchi uchun futbolchilik faoliyatidagi 43-sovrin bo‘ldi. Bunga qadar hujumchi Parij klubi safida yana bitta Liga 1 bosh sovrini va mamlakat Superkubogiga ega chiqqandi.
“Barselona” tarkibida esa 10 marta La Liga, 4 bor Chempionlar Ligasi, 8 marta Ispaniya Superkubogi, 7 bor mamlakat kubogi, shuningdek. Uch martadan klublar o‘rtasidagi Jahon chempionati va Yevropa Superkubogida g‘alaba qozongan.
Leo Argentina safida Jahon Chempionati, Amerika Kubogi va Finalissimada g‘olib chiqqan. Shuningdek, uning hisobida yoshlar o‘rtasidagi Jahon chempionati va Olimpiada bosh sovrinlari ham bor.
Messi Yevropa top-5 ligalaridagi 496-golini urdi va bu borada Krishtianu Ronalduning (495) rekordini yangiladi. Argentinalik futbolchi bu natijaga 577 o‘yinda erishgan bo‘lsa, Portugaliya vakili 626 o‘yinda shuncha gol urgan.
Messi Liga 1 joriy mavsumida 16 ta gol urdi va 16 ta golli uzatma amalga oshirdi.
Izoh (0)