Ommaviy axborot vositalarida Rossiyaga eksport qilingan o‘zbek gilosida virus topilgani haqidagi xabarlar tarqaldi. Unda aytilishicha, Rossiyaning Omsk viloyatiga 20 tonnaga yaqin sharqona kuya bilan o‘zbek gilosi keltirilgan. Infeksiya aniqlangani haqidagi maʼlumot mijozga topshirilib, “Rosselxoznadzor”ga yuborilgan.
Mazkur holat yuzasidan izoh olish maqsadida “Daryo” muxbiri O‘simliklar karantini va himoyasi agentligi direktori matbuot kotibi Sabina Sadinova bilan bog‘landi.
Agentlik masʼulining aytishicha, ushbu masala yuzasidan “Rosselxoznadzor”dan O‘zbekiston tomoniga e’tiroznoma kelmagan.
“Ayni vaqtda ‘Rosselxoznadzor’ bilan holat yuzasidan maʼlumot almashish jarayoni ketmoqda. Ular o‘z o‘rganishlarini bizga yuborganidan keyin aniq maʼlumot berishimiz mumkin”, — dedi Sabina Sadinova.
Uning qo‘shimcha qilishicha, tarmoqlarda tarqalgan xabarlarda aytilganidek gilosda aniqlangan virus emas, hasharot bo‘lishi mumkin.
Mavzuga doir:
Izoh (0)