“Foton” zavodining ustav kapitalidagi 85,6 foiz davlat ulushini xususiylashtirish jarayoni boshlandi. Bu haqda Davlat aktivlarini boshqarish agentligi xabar berdi.
Xususiylashtirish bo‘yicha professional konsalting kompaniyasini jalb etish yuzasidan tanlov e’lon qilindi.
Barcha qiziqish bildirgan talabgorlar taklif taqdim etish uchun so‘rovnomaga asosan tijorat takliflarini 2023-yil 31-may kuni soat 18:00 ga qadar taqdim etishi kerak.
Agar, birgalikda qo‘shma tijorat taklifi taqdim etilsa, jalb qilingan sherik — konsultantning ham ishini muvofiqlashtirish uchun mas’ul bo‘lgan va javobgarlikni zimmasiga oladigan asosiy konsultant ko‘rsatilishi lozim.
Zavod haqida qisqacha ma’lumot
“Foton” — elektron qismlar ishlab chiqaradigan korxona hisoblanadi. Hozirda, unda 296 nafar ish o‘rni mavjud. Ustav kapitali 1,08 mlrd so‘m.
Jamiyatning yuridik manzili: Toshkent shahri, Mirobod tumani, A.Temur ko‘chasi, 13.
Avvalroq “Chinoz neftni qayta ishlash zavodi”ni xususiylashtirish uchun arizalarni qabul qilish muddati uzaytirilgani haqida xabar berilgandi.
