Samarqanddagi eski tovuq fabrikasida gaz portlashi oqibatida jabrlanganlar haqida ma’lumot berildi

Samarqand viloyatining Kattaqo‘rg‘on tumanidagi eski tovuq fabrikasida gaz-havo aralashmasi chaqnashi sodir bo‘lgandi. FVV holat yuzasidan qo‘shimcha ma’lumot berdi.

Unga ko‘ra, hodisa oqibatida ikki kishi yengil tan jarohati olib, tuman tibbiyot birlashmasiga joylashtirilgan. Vafot etganlar yo‘q.

Voqea joyiga FVB, IIB, SSB, prokuratura hamda “Hududgazta'minoti” mas’ul xodimlari chiqishgan.

Hozirda voqea sababi va zarar miqdori aniqlanmoqda. Mazkur holat yuzasidan dastlabki tergovoldi surishtiruv ishlari olib borilmoqda.