Filippinda yo‘lovchi paromda yong‘in chiqishi oqibatida 31 kishi halok bo‘ldi. Bu haqda ABS-CBN telekanali Basilan provinsiyasi gubernatori Jim Hataman-Sullimanga tayanib ma’lum qildi.
Qayd etilishicha, Lady Mary Joy 3 kemasi Baluk-Baluk oroli yaqinida yonib ketgan paytda unda 250 ga yaqin yo‘lovchi va ekipaj a’zolari bo‘lgan.
Dastlab 12 kishi halok bo‘lgani haqida xabar berilgandi, biroq kemaning bir qismida yana 18 kishining jasadi topilgan, ulardan olti nafari bola. Yana bir jasad Izabel shahri yaqinida suvdan topilgan.
Ayni paytda yetti kishi bedarak yo‘qolgan. Provinsiya rahbarining so‘zlariga ko‘ra, ularning soni ortishi mumkin, chunki kemadagi yo‘lovchilarning aniq soni hozircha ma’lum emas.
Rasmiy maʼlumotlarga ko‘ra, 230 ga yaqin odam qutqarilgan, ulardan 23 nafari shifoxonaga yetkazilgan.
Paromdagi yong‘in sabablari o‘rganilmoqda.
Izoh (0)