Global IPO hajmi 2019-yildan beri eng past darajaga tushdi

Yil boshidan buyon dunyo bo‘ylab kompaniyalar IPO’larda 19,7 milliard dollar yig‘di. Bu o‘tgan yilning shu davriga nisbatan 70 foizga kam va 2019-yildan beri eng past ko‘rsatkich. Bu haqda Bloomberg xabar bermoqda. 

Pasayish sabablari yuqori inflyatsiya, markaziy banklar tomonidan yuqori stavkalar va bank sektoridagi beqarorlik hisoblanadi. 

Agentlikning qayd etishicha, global IPO bozoridagi pasayish o‘tgan yildan beri davom etmoqda, bu yuqori inflyatsiya va markaziy banklarning yuqori stavkalari tufayli yuzaga kelgan. 

Taqqoslash uchun, rekord darajadagi 2021-yilda kompaniyalar birlamchi ommaviy takliflarda 199 milliard dollardan ko‘proq mablag‘ yig‘gandi.

IPO (Initial Public Offering) — bu kompaniya aksiyalarining fond birjasida birinchi joylashtirilishi.

Investorlar bu yilni Xitoyda antikovid choralarini yumshatish va stavkalarni oshirishning sekinlashishi bilan bog‘liq optimistik prognozlar bilan boshlagandi. 

Biroq, bank sektoridagi retsessiya va beqarorlik xavfi, jumladan Credit Suisse muammolari bozor o‘sishi bo‘yicha noreal prognozlarni ko‘rsatdi.

Shu bilan birga, joriy yilda aksiyalarni ikkilamchi joylashtirish hajmi ko‘payib, o‘tgan yilga nisbatan 48 foizga o‘sib, 76 milliard dollarni tashkil etdi. Bunga, xususan, Japan Post Bankidagi J ulushini 9,25 milliard dollarga sotgani sabab bo‘lgan.