Yevropa Ittifoqi mamlakatlari yanvar oyida Ekvador bananlarini yetkazib berishning asosiy bozoriga aylandi

Ekvador banan eksportchilari assotsiatsiyasi 2023 yil yanvar oyi uchun mahsulot eksporti bo'yicha statistik hisobotini e’lon qildi.

EastFruit’ning FreshFruitPortal’ga tayanib ma’lum qilishicha, joriy yilning birinchi oyida 35,01 million quti banan eksport qilingan, bu o‘tgan yilning shu davriga nisbatan 7,98 foizga ko‘pdir.

Yanvar oyida Yevropa Ittifoqi mamlakatlari Ekvador bananlarining asosiy bozoriga aylandi, bu barcha eksportning 30,16 foizini tashkil etdi. Ikkinchi o‘rinda 24,27 foiz ko‘rsatkich bilan Rossiya, uchinchi o‘rinda Yaqin Sharq davlatlari – 13,07 foiz.

Yevropa Ittifoqida Niderlandiya eng katta import hajmiga ega bo'lgan mamlakat bo'lib, bu yil mintaqada sotilgan mahsulotlarning 23 foizi shu mamlakatga to‘g‘ri keladi.

Ekvador banan sanoati, asosan, Ukrainadagi Rossiya boshchiligidagi urush tufayli juda og‘ir mavsumni boshdan kechirdi. 

Rossiya eng katta import hajmiga ega bo‘lgan mamlakatdir, Ukraina bilan urush Rossiyaga eksportni sezilarli darajada kamaytirdi.

Yevropa Ittifoqining cheklovlari ham mintaqaga yetkazib berishning kamayishiga olib keldi.

Ma’lumot uchun, O‘zbekiston ham 2022-yilda bananlarning asosiy qismini Ekvadordan olib kelgan. 

O‘zbekistonning banan importi uchun 2023-yilgi ma’lumotlari hali e’lon qilinmagan.