Polsha NATOdagi ittifoqchilari bilan birgalikda Rossiyaning Kaliningrad viloyati chegaradoshi Vistula Spit daryosi bo‘yida harbiy mashg‘ulotlar o‘tkazadi. Bu haqda PAP agentligi xabar bermoqda.
Mashg‘ulotlar 27-martdan 31-martgacha bo‘lib o‘tadi. Ularda quruqlikdagi qo‘shinlar, muhandislik qo‘shinlari, shuningdek, dengiz floti ishtirok etadi. Mashg‘ulotlarda NATOga a’zo boshqa davlatlardan bittadan batalyon-taktik guruh qatnashadi.
Mashqlar jami 2500 nafar harbiy xizmatchi ishtirokida o‘tkaziladi. Shuningdek, 500 ta texnika va qurollar jalb qilinadi.
Harbiy mashg‘ulotlar nafaqat Vistula Spit bo‘yida, balki Polshaning Malbork shahridagi aviabazada, Morjevin hududida va Gduniya portida ham o‘tkaziladi. Qo‘shinlar muhandislik qo‘shinlari yordamida daryoni kesib o‘tishni mashq qiladi.
Fevral oyida NATO qo‘shinlari Adriatik dengizida qo‘shma mashg‘ulotlar o‘tkazgan edi. Ularda AQSH harbiy-dengiz kuchlarining USS George Bush aviatashuvchi kemasi, Italiyaning ITS Cavour aviatashuvchi kemasi, Ispaniyaning Juan Carlos I desant universal kemasi, Amerikaning USS Delbert D. Black esminetsi, USS Leyte Gulf raketa kreyseri va Italiyaning ITS Caio Duilio esminetsi ishtirok etgan.
Izoh (0)