O‘zbekistonda Ai-80 benzini uchun aksiz solig‘ini “nol” stavkada qo‘llash muddati 2023-yil oxirigacha uzaytirildi. Bu haqda prezident matbuot kotibi Sherzod Asadov xabar qildi.
Prezident qarori bilan joriy etilgan va 2022 yil 10-dekabrdan boshlab amal qilayotgan Ai-80 rusumli avtobenzin uchun aksiz solig‘ini “nol” stavkada qo‘llashning amal qilish muddati 2023 yil 1-mart kuni yakuniga yetishi kerak edi.
Davlat rahbari tomonidan 28-fevral kuni imzolangan qarorga muvofiq, iste’molchilarning neft mahsulotlariga bo‘lgan talabini qondirish hamda narxlar barqarorligini ta’minlash maqsadida import qilinadigan, mahalliy korxonalar tomonidan ishlab chiqariladigan va tadbirkorlik sub’yektlari tomonidan yakuniy iste’molchilarga sotiladigan Ai-80 rusumli avtobenzin mahsuloti uchun aksiz solig‘ini “nol” stavkada qo‘llash muddati 2023-yil 31-dekabrga qadar uzaytirildi.
Izoh (0)