O‘zbekistonda dollar kursi qatorasiga oltinchi kun ko‘tarildi 

Markaziy bank xorijiy valyutalarning o‘zbek so‘miga nisbatan 9-fevraldan amalda bo‘ladigan qiymatini e’lon qildi.

Unga ko‘ra, dollarning rasmiy kursi 19,93 so‘mga ko‘tarilib, 11 370,11 so‘mni tashkil qildi. Yevro 71,37 so‘mga oshib, 12 228,55 so‘m bo‘ldi. Rubl 1,33 so‘mga pastlab, 158,72 so‘m bo‘ldi.

Bundan avval dollar kursi ketma-ket besh kun ko‘tarilib, 11 350,18 so‘mni tashkil qilgandi. Yevro va rubl kursi pastlagandi.