Xavi: “Real” La Ligada g‘alaba qozonishi mumkin, bu jamoa oxirigacha kurashadi

“Barselona” bosh murabbiyi Xavi La Liga 20-turi doirasida “Sevilya”ga qarshi kechgan o‘yindagi g‘alabadan keyin o‘z fikrlari bilan o‘rtoqlashar ekan, “Real”ning chempionlik poygasidagi imkoniyatlari haqida gapirdi.

“Real” chempionatda g‘alaba qozonishi mumkin. Biz ogohlikni susaytirmasligimiz kerak.

Yakshanba kuni “Real” mag‘lub bo‘lgan maydonda o‘ynaymiz. “Vilyarreal”ga qarshi. Endi jamoalar har bir o‘yinga katta e’tibor qaratadi. Har bir uchrashuv urush bo‘ladi. 18 ta o‘yin qoldi va hali hech narsa yakunlanmadi.

“Real” — amaldagi chempion va La Liga favoriti. Bu jamoa oxirigacha kurashadi. Xotirjamlikka berilishga haqqimiz yo‘q.

Xavi, “Barselona” bosh murabbiyi

20-turdan keyin “Barselona” va “Real” jamoalari o‘rtasidagi ochkolar farqi 8 taga yetdi.