Bugun,

  • USD 11095.31
  • RUB 173.84
  • EUR 10772.44

Rossiya va Eron rasmiylari Rossiya tarkibidagi Tatariston respublikasining Yelabuga shahrida Eronning Shahed-136 kamikadze dronlarini ishlab chiqaruvchi zavod qurish imkoniyatini ko‘rib chiqmoqda. Bu haqda The Wall Street Journal xabar berdi.

Foto: Irdiplomacy

Nashr manbalariga ko‘ra, 5-yanvar kuni Eron delegatsiyasi respublikaga tashrif buyurib, u yerdagi qurilish uchun mo‘jallangan joyni ko‘zdan kechirgan.

WSJ suhbatdoshlarining aytishicha, hozirda Moskva va Tehron Shahed-136 kamikadze dronining takomillashtirilgan modelini ishlab chiqmoqda, u yanada uzoqroq va tezroq ucha oladi. Tomonlar Tataristondagi zavodda yiliga kamida 6 ming dona dron ishlab chiqarishni rejalashtirmoqda.

RF Mudofaa vazirligi Ukraina energetika tizimi obyektlariga zarba berish uchun Eronda ishlab chiqarilgan Shahed-131/136 kamikadze dronlaridan (Rossiyada ularning nomi “Geran-1” va “Geran-2” ga o‘zgartirilgan) faol foydalanmoqda. WSJ ta’kidlaganidek, Ukraina Qurolli kuchlarining havo mudofaasi Shahed-136 tahdidini yetarlicha zararsizlantirishga muvaffaq bo‘ldi.

Rossiya o‘z hududida Eron dronlarini ishlab chiqarishni rejalashtirayotgani haqida The Washington Post gazetasi kuzda xabar bergandi. Nashrning yozishicha, Rossiya va Eron rasmiylari ishlab chiqarish bo‘yicha 2022-yil noyabr oyi boshida kelishuvga erishgan.

Yanvar oyi boshida Ukraina Milliy xavfsizlik va mudofaa kengashi kotibi Aleksiy Danilov Rossiyada dronlarni ishlab chiqarish Tolyatti shahrida tashkil etilishi mumkinligini aytdi. Shuningdek, u rossiyaliklar boshqa shaharlarni ham ko‘rib chiqayotganini ta’kidladi.

Izoh
Asosiy yangiliklar
Shou-biznes
“U nafaqat guruhdan, balki san’atdan ham ketdi”. “VIA Marokand” xonandasi Asal Zokirova guruhni tark etdi (video)
Mahalliy
Toshkentda sportchi erkak xotini va bolasini ayovsiz kaltaklagani aytildi
Iqtisodiyot
Navoiyda o‘sish, Toshkentda qisqarish: hududlarda tovarlar eksporti hajmi qanday bo‘lmoqda?