“Tottenhem” hujumchisi Harri Keyn Premyer Liga 22-turi doirasida kechgan “Manchester Siti”ga qarshi bahsda (1:0) gol urishga muvaffaq bo‘ldi.
Bu angliyalik futbolchi uchun APLdagi 200-gol bo‘ldi. Keyn Premyer Ligada 200 ta gol urgan Alan Shirer (260) va Ueyn Runidan (208) keyingi uchinchi futbolchi bo‘ldi.
Shu bilan birga Harri ushbu dovonni zabt etish uchun hammadan kam o‘yin sarflagan — 304. Shirer APLda gol urishi uchun 306 ta o‘yin kerak bo‘lgan bo‘lsa, Runi bu natijaga 462 ta bahsda erishgan.
Shuningdek, 29 yoshli futbolchi “Tottenhem” safida barcha musobaqalar doirasidagi 267-golini urgan holda klub tarixidagi eng yaxshi to‘purarga aylandi. Bu borada Keyn Jimmi Grivzning rekordini yangiladi.
Izoh (0)