“Milan” Italiya A Seriyasi 20-turida “Sassuolo”ga 2:5 hisobida yutqazib qo‘ydi.
Milanliklar A Seriya tarixida ilk bor ketma-ket ikkita o‘yinda 4+ gol o‘tkazib yuborib yutqazdi. O‘tgan turda jamoa “Latsio”ga 0:4 hisobida yengilgandi.
“Milan” Italiya chempionati doirasidagi uy o‘yinida 1997-yilning aprelidan keyin ilk bor o‘z darvozasidan beshta to‘p olib chiqdi. 26 yil avval “Yuventus” “San-Siro”da 6:1 hisobida g‘alaba qozongandi.
“Rossonerilar” 2009-yilning sentabridan beri birinchi marta barcha musobaqalar doirasida qatorasiga uchta o‘yinni boy berdi.
Stefano Pioli shogirdlari 2023-yilda 7 ta o‘yin o‘tkazib, o‘z darvozasidan 18 ta to‘p olib chiqdi. Bu ayni vaqtda top-5 ligalar klublari orasidagi eng yomon ko‘rsatkich. Amaldagi chempion so‘nggi uch o‘yinda 12 ta gol o‘tkazib yubordi.
Jamoaning keyingi o‘yini 5-fevral kuni “Inter”ga qarshi bo‘lib o‘tadi.
Izoh (0)