Qoraqalpog‘iston Respublikasi Vazirlar Kengashi raisining jamoat va diniy tashkilotlar bilan aloqalar bo‘yicha o‘rinbosari o‘zgardi. Bu haqda Vazirlar Kengashi axborot xizmati xabar berdi.
Maʼlum bo‘lishicha, bu lavozimga Rajabboy Nurazizov tayinlangan.
Rajabboy Nurazizov tayinlovga qadar DXXning Qoraqalpog‘iston Respublikasi boshqarmasida masʼul lavozimda faoliyat olib borgan.
Eslatib o‘tamiz, Nurazizovga qadar 2021-yildan buyon ushbu lavozimda Rustam Saparbayev ishlab kelayotgandi. U 2022-yilning avgust oyida Qoraqalpog‘iston Respublikasi Jo‘qorg‘i Kengesi raisining o‘rinbosari etib saylangach, ushbu lavozim vakant bo‘lib turgandi.
Izoh (0)