Vengriyaning WizzAir aviakompaniyasi Abu-Dabi va Toshkentni to‘g‘ridan to‘g‘ri reyslar bilan bog‘lashi haqida xabar berilgan edi. 25-yanvar kuni ushbu aviakompaniya samolyoti Toshkentga kelib qoʻndi.
Uzbekistan Airports matbuot xizmatining ma’lum qilishicha, yangi Abu-Dabi—Toshkent—Abu Dabi yo‘nalishida Airbus A321neo samolyotida kelgan ekipaj va yoʻlovchilar terminalda tantanali ravishda kutib olindi.
Ushbu yoʻnalishda toʻgʻridan toʻgʻri muntazam reyslar A320/321 samolyotlarida haftasiga uch marta — dushanba, chorshanba va juma kunlari amalga oshirilishi rejalashtirilgan. Chiptalar narxi bir tomonga 45 dollardan boshlanadi.
WizzAir 2022-yilning dekabridan boshlab Samarqand aeroportiga haftasiga ikki marta — seshanba va shanba kunlari parvozlarni ham amalga oshirib kelmoqda.
Izoh (0)