25-yanvar kuni Ostonadagi uchta restoran avvalroq McDonald’s brendi ostida faoliyat yuritgan Food Solutions boshqaruvi ostida o‘z faoliyatini tiklaydi. Bu haqda Forbes xabar bermoqda.
.jpg)
“Ayni paytda restoranlar barcha kerakli hajmdagi mahsulotlarni qabul qilib, tashrif buyuruvchilarni kutib olishga tayyor. Yopilish vaqtida ishlagan barcha restoran xodimlari ish joylari, ish haqi va boshqa mehnat sharoitlarini to‘liq saqlab qoladi”, — deyiladi kompaniya xabarida.
Eslatib o‘tamiz, 23 yanvar kuni Olmaotadagi beshta Food Solutions restorani ishi qayta tiklangan edi.
“Yangilangan menyu, boshqa restoranlarni ochish jadvali va yangi nom haqida toʻliq maʼlumot tez orada taqdim etiladi”, — deya qoʻshimcha qildi kompaniya.
McDonald’s Qozog‘istonda 2016-yilning mart oyidan boshlab Food Solutions boshqaruvi ostida faoliyat ko‘rsatmoqda.
Uning egasi Qayrat Bo‘ranboyev bo‘lib, u 2022-yilning 15-martidan buyon kvazidavlat sektorida katta miqdordagi mablag‘larni o‘zlashtirganlikda gumon qilinib, hibsga olingan.
2022-yil 17-noyabr kuni Qozog‘istonda McDonald’s tarmog‘i faoliyati to‘xtatilgani ma’lum bo‘ldi. Kompaniya Qozog‘istonning quyidagi shaharlarida: Olmaota, Ostona, Atirau, Aqto‘be, Qo‘stanay, Qarag‘andada 24 ta McDonald’s restoraniga ega bo‘lib, ikki mingga yaqin kishini ish bilan ta’minlagan.
Izoh (0)