Qirg‘iziston prezidenti Sadir Japarov mamlakatlarni va xalqaro moliya tashkilotlarini respublikaning qarzidan kechib, u yerda energetika obyektlarini qurishni boshlashga chaqirdi.
“Qirg‘iziston qarz olgan mamlakatlar va moliyaviy institutlar respublikada energetika obyektlari va GESlar qurilishida ishtirok etsa bo‘lardi. Biz ushbu yashil iqtisodiyot obyektlarining tasmalarini birgalikda kesamiz. Biz Qirg‘izistonda yashil loyihalarni birgalikda amalga oshiramiz, buning evaziga siz tashqi qarzlarimizdan kechasiz”, — deb yozdi u 8-yanvar, yakshanba kuni o‘z Facebook’ida.
Uning so‘zlariga ko‘ra, hozirgi paytda respublikada 50 ga yaqin kichik va o‘rtacha GESlar qurilishi davom etmoqda. “Ammo bu ham yetarli emas. Bizda tayyor investitsiya loyihalari bor. Biz quvvati 1 dan 1000 MVt gacha bo‘lgan kichik va o‘rta GESlarni qurish imkoniyatiga egamiz, daryo tabaqalari tayyor”, — deya davom etdi prezident.
Ayni paytda Qirg‘izistonning tashqi qarzi 4,3 milliard dollardan oshadi. Uning asosiy kreditorlari — Xitoyning “Eksimbank”i, shuningdek, Osiyo taraqqiyot banki, Xalqaro valyuta jamg‘armasi va Xalqaro taraqqiyot uyushmasi.
Izoh (0)