Krishtianu Ronaldu JCH—2022 nimchorak finalida asosiy tarkibda tushmasligini bilgach, mundialni tark etmoqchi bo‘lgan.
Portugaliya terma jamoasi hujumchisi Shveysariyaga qarshi 1/8 final bahsida (6:1) zaxirada qoldirildi va 73-daqiqada maydonga tushdi. Ushbu o‘yinda Krishtianu golli vaziyatlarda ishtirok etmadi.
Bosh murabbiy Fernandu Santush uni asosiy tarkibda tushirmaslikka qaror qilganini eshitgach, Ronalduning jahli chiqqan, deb yozadi Foot Mercato.
Manbaning ma’lumotlariga ko‘ra, Krishtianu narsalarini yig‘ishtirib, Portugaliya terma jamoasi bazasini tark etishga yaqin bo‘lgan. Biroq vaqt o‘tib, u tinchlangan va hali jamoada muhim rol o‘ynay olishini tushungan.
Portugaliya esa bu vaziyatga jiddiy e’tibor qaratmoqchi emas.
10-dekabr kuni terma jamoa JCH—2022 1/4 finalida Marokashga qarshi maydonga tushadi.
Izoh (0)