“Barselona” Frank Kessie uchun bildirilgan 3 ta taklifni rad etdi

“Barselona” qishki transfer oynasida Frank Kessieni qo‘yib yubormoqchi emas.

Kataloniyaliklar 25 yoshli futbolchi uchun bildirilgan uchta taklifni rad etgan. Ma’lumotlarga ko‘ra, “Napoli”, “Inter” va APLning bir jamoasi Kessieni qo‘lga kiritish istagida futbolchining agenti bilan bog‘langan.

Frank “Barselona”da kam o‘yin amaliyotiga ega bo‘lmoqda, biroq kataloniyaliklar mavsum so‘ngiga qadar uni jamoada olib qolmoqchi. Hozirda “ko‘k-anorranglilar”ning yarim himoya markazida futbolchilar yetarli emas.

Kessieni saqlab qolmoqchiligining ikkinchi sababi, u ketgach, moliyaviy feyr-pley tufayli kataloniyaliklar yangi futbolchi xarid qila olmaydi.

Frank noyabr oyida jarohat olib, 1,5 oyga safdan chiqqan edi.