Oyoqlarni issiq tuting: Ustki kiyim uchun qishki poyabzalni qanday tanlash kerak? (foto)

Aksariyat hududlarida haqiqiy qish taqvimga qaraganda ancha uzoq davom etadigan sharoitda ham issiq, ammo zamonaviy narsalarni topish masalasi dolzarb bo‘lib qolmoqda. Chunki qishki obraz nafaqat chiroyli, balki issiq bo‘lishi ham kerak. Qolaversa, ustki kiyim va etiklar kombinatsiyasini hosil qilish ham oson emas. Marie Claire nashri oyoq kiyim tanlashda zamonaviy qizlar uchun foydali bo‘lgan bir qancha maslahatlar bilan bo‘lishdi.

Qishki garderobning asosiy kiyimlaridan biri — bu palto. Paltolar ko‘proq rasmiy uslubni yodga soladi va bunga mos ravishda oyoq kiyim ham shunday bo‘lishi kerak. Paltolar uchun asosan o‘rtacha yoki baland poshnali etiklar tavsiya etiladi. Qolaversa, etiklarning tizzagacha balandlikda bo‘lgani bilan birlashtirish mumkin. Agar paltolar ko‘proq erkaklarnikiga o‘xshash bo‘lsa, u holda chelsilar ham ajoyib kombinatsiya hosil qila oladi.

Garderobdan o‘rin olgan yana bir ajoyib qishki kiyimlar — dublyonka. Ular bilan ham ajoyib obraz yaratish mumkin. Masalan, kalta dublyonkalar uchun chelsi etiklari yoki sport uslubiga xos yengil botinkalar mos keladi.

Mo‘ynali ustki kiyimlar uchun oyoq kiyim tanlash qiyinchilik tug‘dirmaydi. Chunki mo‘ynali kiyimlar deyarli uslub tanlamaydi, past poshnali yoki tagligi tekis va qulay etiklar ham ajoyib uyg‘unlikni hosil qiladi. Ammo mo‘ynali kiyimlar ko‘proq maxsus joy uchun kiyilishi sababli ayollar poshnali etiklarni ma’qul ko‘radi.

So‘nggi yillarda trendda bo‘lgan par kurtkalarni kundalik va ish uchun ham kiyish mumkin. Bu, albatta, qulaylik va issiqlikdan darak beradi. Uning uchun tanlangan oyoq kiyim ham aynan shunday xususiyatlarga ega bo‘lishi lozim. Par kurtkalar uchun oyoq kiyimlar modeli cheklanmagan. Masalan, krossovka, chelsi boshqa qulay bo‘lgan har qanday oyoq kiyim modeli bilan kiyish mumkin.