Britaniyada “Vagner” guruhi Ukrainadagi xatti-harakatlari tufayli sudga berildi
Britaniyaning McCue Jury & Partners yuridik firmasi ukrainaliklar nomidan “Vagner” xususiy harbiy kompaniyasi va uning asoschisi Yevgeniy Prigojinga qarshi London oliy sudiga da’vo kiritayotganini ma’lum qildi, u guruhning Ukrainadagi xatti-harakatlari bilan bog‘liq. Ish kraudfanding hisobidan moliyalashtiriladi. Firma saytida aytilishicha, u Ukrainadagi nizo bilan bog‘liq bir nechta ishlarda qatnashmoqda.
Kompaniya fikricha, “Vagner” aktivlari Ukrainada uning a’zolari tomonidan amalga oshirilgan jinoyatlar qurbonlariga tovon puli to‘lash uchun ishlatilishi mumkin.
Inews nashri yozishicha, jarayonni ukrainalik mansabdorlar va Britaniya sobiq bosh vaziri Boris Jonson qo‘llab-quvvatlamoqda. Shuningdek, firma xuddi shunday sud ishini AQSHda ham boshlashni rejalashtirmoqda.
“Konkord” kompaniyasi egasi bo‘lgan Prigojin 2016-yildan buyon AQSH, 2020-yildan buyon esa Yevroittifoq sanksiyalari ostidadir. Vashingtonda u Internet tadqiqotlari agentligi (trollar fabrikasi) va “Vagner”ni nazorat qilishda ayblangan.
U “Vagner”ga aloqadorligini ko‘p marta rad etgan va bunday ayblovlar sababli sudlashgan, ammo 2022-yil sentabrida u “Vagner” asoschisi ekanini ma’lum qildi. Tashkilotni 2014-yilda, uning so‘zlariga ko‘ra, “Donbassda rus xalqiga nisbatan genotsid” boshlangan vaqtda tuzgan.
Ko‘plab G‘arb OAVlari Vagner guruhi to‘g‘ridan to‘g‘ri Vladimir Putinga bo‘ysunishini yozadi. Uning yollanma jangchilari bolalarni o‘ldirish, ayollarni zo‘rlash va qiynoqqa solish, shuningdek, shafqatsiz qotilliklarda ayblanib keladi. Mavzuga doir:Vagner guruhi o‘zi qanday guruh?
Vagner guruhi birinchi marta Ukrainada 2014-yilda paydo bo‘lgan va Rossiyaning Qrimni egallab olishida muhim rol o‘ynagan edi.Unga maxsus topshiriqli bo‘linma sobiq jangchisi Dmitriy Valeryevich Utkin asos solgan deb hisoblanadi, u guruhga Gitlerning sevimli kompozitori Richard Vagnerning nomini bergan.
