Gonsalo Iguain futbolchilik faoliyatini yakunlashini ma’lum qildi

Argentinalik futbolchi Gonsalo Iguain faoliyatini yakunlashini ma’lum qildi.

Ayni vaqtda “Inter Mayami” klubida to‘p surayotgan 34 yoshli futbolchi MLS’da mavsum yakunlanganidan keyin butsilarini mixga iladi.

Iguain faoliyati davomida “Real”, “Yuventus”, “Milan”, “Napoli”, “Chelsi” va “River Pleyt” kabi klublar sharafini himoya qilgan. U uch bor Ispaniya, uch marta Italiya chempionligini qo‘lga kiritgan. Ikki marta Yevropa Ligasida zafar quchgan.

Shuningdek, u Argentina terma jamoasi safida 75 o‘yin o‘tkazib, 31 ta golga muallif bo‘lgan. 2014-yilda jamoasi bilan Jahon Chempionati finaliga qadar yetib borgan.

“Inter” joriy mavsum yana ikkita o‘yin o‘tkazadi — “Orlando Siti” va “Monreal Impekt”ga qarshi. Shundan keyin MLS’da mavsum yakunlanadi.

Mavzuga doir: Gonsalo Iguain: “Futbol juda iflos soha, o‘yinchilar esa bir martalik idish kabi”