Toshkent viloyatida blogerning qo‘li chopib ketilgani haqida tarqalgan xabarlar rad etildi

Ijtimoiy tarmoqlarda Toshkent viloyatining Quyi Chirchiq tumanida blogerning qo‘li noma’lum shaxslar tomonidan chopilgani haqida xabarlar tarqaldi. Viloyat IIBB matbuot xizmati buni rad etdi.

Rasmiy xabarda aytilishicha, bu ma’lumot feyk bo‘lib, bloger sog‘-salomat, qo‘llari joyida. Asosan, tanqidiy chiqishlari bilan Facebook’da mashhur bo‘lgan bloger Muhammadsaid Tolipovning o‘zi ham videomurojaat bilan chiqib, soppa-sog‘ligi, tarqalgan xabarlar yolg‘onligini ma’lum qildi.

“Albatta, bularning barchasi yolg‘on, bo‘hton. Kimdir qasddan shunday xabar tarqatgan. Bu bo‘yicha, albatta, tagiga yetamiz, hammasini sudda gaplashamiz”, — deydi bloger.